Mes: Maio 2006

Sun Microsystems está planeando liberar o código da linguaxe de programación Java, segundo anunciou o director executivo da compañía Jonathan Schwartz, na conferencia JavaOne que se está a celebrar en San Francisco.

Schwartz afirmou “A cuestión non é se faremos Java open source, senón que agora a cuestión é como”. Coa liberación do código fonte, Sun espera atraer a un novo grupo de desenvolvedores que rexeitaron o uso deste linguaxe a causa da licenza do software.

IBM promove esta liberación dende fai tempo, pero poden ser a presión de Mono, versión libre de .NET, e as dificultades de incorporar Java nos sistemas operativos libres, as que obriguen finalmente a Sun a dar o paso final.

 A maior preocupación de Sun é controlar a fragmentación de Java que se produciría se grupos de desenvolvedores se separaran da comunidade principal de Java e formaran grupos independentes con diferentes rumbos.

Este é un proxecto fundado en setembro do ano 2000 por Francis J. Skettino. Na web de OSWD pódense atopar deseños para Blogs persoais, para content managements systems (CMS) e ata portais corporativos. Coa axuda da comunidade, este proxecto continuará para axudar ao deseño web.

Fonte: oswd

O Conselleiro de Innovación e Industria, Fernando Blanco, presentou esta mañá en Santiago as novas aplicacións informáticas en software libre que se poderán descargar de balde dende o noso portal. En concreto, Fernando Blanco presentou a tradución ao galego do paquete ofimático Open Office 2.0, así como dun corrector ortográfico baseado na normativa oficial da lingua galega actualmente vixente. …

A Directora Xeral de Promoción Industrial e da Sociedade da Información, Elena Veiguela, inaugurará o acto ás 9:30, xunto co Reitor da Universidade de A Coruña, José María Barja. O programa é o seguinte:

09:30-10:30 Inauguración da Xornada de Software Libre no Dia de Internet
D. Jose María Barja Perez
Reitor da Universidade da Coruña
Dña. Elena Veiguela Martínez
Dir. Xeral de Promoción Industrial e da Sociedade da
Información

10:30-11:15 Rede Internacional das Administracións Públicas polo Software
Libre
D. Marcelo D’Elia Branco

11:15-12:00 Filesystem Name Spaces
D. Christopher Hellwig
Linux Kernel Developer

12:00-14:00 Mesa Redonda: O Software Libre nas Universidades Galegas
Representante da Universidade de Santiago de Compostela
Representante da Universidade de Vigo
Representante da Universidade da Coruña

16:30-17:30 Reflexións sobre o Software Libre
D. Ernst Leiss
University of Houston

17:30-18:30 Software Libre: en defensa do proceso creativo e intelectual
D. Jaime Villate Matiz
Universidad de Porto

18:30 Clausura das Xornadas

A actividade formativa, cunha duración de máis de 500 horas, vai dirixida a persoas desempregadas e está promovida pola Consellería de Traballo e cofinanciada polo Fondo Social Europeo. O programa enmárcase dentro das iniciativas que se veñen tomando pola Xunta para potenciar o Software Libre coa intención de adaptar a oferta formativa á demanda existente para este tipo de plataformas abertas.

Fonte: GLUG  

A Universidade Politécnica de Madrid (UPM) e a empresa de Software Libre Ándago traballan conxuntamente en Open Cities, unha iniciativa subvencionada polo programa Profit para crear unha plataforma telemática de e-Administración dirixida a entidades locales. Open Cities está orientada a procesos, documentos e servizos.

A Deputación de Toledo converterase na primeira administración que adoptará un
modelo de e-administración coa plataforma Open Cities.

Segundo Ándago, as vantaxes de desenvolver software seguindo o modelo do Software Libre son múltiples: flexibilidade da plataforma, custo compartido e inferior ao de solucións comerciais, facilidade de ampliación das funcionalidades e escalabilidade do sistema para futuras ampliacións e novos servizos e usuarios. A plataforma será licenciada baixo [[GPL]].

Fonte: Europa Press

A primeira versión alpha de Gnash acaba de saír co número de versión 0.7.1. Gnash é un reproductor [[GPL]] para películas flash e un plug-in para os navegadores [[Firefox]],[[Mozilla]], [[Konqueror]] e [[Opera]].

Gnash soporta a maioría das características da versión 7 de SWF e ActionScript3, o que implica que terá un boa compatibilidade…

Gnash corre en moitas distribucións GNU/Linux, FreeBSD, NetBSD, OpenBSD, e arquitecturas de 64 bits. Para a próxima versión, están traballando na versión para Windows e Mac.

Como plug-in do Firefox, recomendan que a versión do navegador sexa 1.5 ou máis nova e debería funcionar en calquera navegador baseado en Mozilla. Tamén teñen unha versión executable do mesmo tanto para escritorio [[GNOME]] e [[KDE]].

Podes descargar as fontes de Gnash dende ftp://ftp.gnu.org/pub/gnu/gnash/, ou dende o repositorio CVS de Gnash que ten de identificador “release_0_7_1”.

Ligazón da nova

Logo de moita espera, lánzase a distribución OpenSuse 10.1, “Agama Lizard” con moitas novidades que fan de esta “distro” un dos referentes importantes dentro da comunidade.

Actualización: Descarga (odt , pdf) da presentación da Directora Xeral de Promoción Industrial e da Sociedade da Información, Elena Veiguela Martínez.

A Xunta de Galicia, a través da súa Consellería de Innovación e Industria , presenta hoxe ás 12:00, no Salón Pequeno (número 2) de San Caetano en Santiago de Compostela, “mancomun.org – Iniciativa Galega polo Software Libre”. O acto estará presidido por Fernando Xavier Blanco Álvarez, Conselleiro de Innovación e Industria, que explicará as principais liñas de traballo da Consellería en materia de Software Libre. A continuación, a Directora Xeral de Promoción Industrial e da Sociedade da Información, Elena Veiguela Martínez, presentará os principais datos do “Estudo sobre a implantación do Software Libre en Galiza ”.

Segundo a [[galipedia]] (a wikipedia en galego), Úsase o termo mancomún para referirse a unha unión de persoas, esforzos, intereses, institucións ou cousas para acadar un determinado fin común, ou atender servizos e problemas comúns.…

Neste sentido, “mancomun.org – Iniciativa Galega polo Software Libre” nace coa intención de ser un punto de encontro dos diferentes proxectos e actividades sobre Software Libre que se están a desenvolver na nosa comunidade. Pretende, ademais, ser un espazo de traballo conxunto que integre e dinamice aos diferentes axentes que están a traballar neste eido en Galiza: empresas, universidades e centros de ensino, concellos, asociacións, etc. Esta iniciativa forma parte da campaña Máis Internet, máis galego, máis futuro que comezou, o pasado 2 de maio, a Consellería de Innovación e Industria.

Lanzouse a iniciativa www.estandaresabiertos.org co obxectivo de avanzar no desenvolvemento de novos estándares abertos para todo tipo de aplicacións. Desta maneira poderíase avanzar na interoperabilidade das aplicacións, chegando a posibilidade de ter tódalas áreas cubertas con Software Libre, evitando así as trabas que impoñen as aplicacións privativas.

Solicitan apoio para o seu manifesto en prol dos estándares abertos, que pode ser apoiado de forma individual ou por parte de  representantes de organizacións sociais, profesionais ou académicas.