Mes: Xuño 2007

OpenXava é un marco de traballo para desenvolver aplicacións web baseadas en bases de datos, como Ruby on Rails, pero OpenXava produce aplicacións J2EE / JavaEE estándars que poden ser despregadas en calquera servidor de aplicacións Java estándar (ou portal Java estándar).

O que fai a OpenXava diferente doutros marcos é:

•  É rápido e fácil para desenvolver aplicacións orientadas a bases de datos.
•  Está orientado a compoñentes de negocio no canto de MVC .
•  Xera automaticamente a interface de usuario desde a definición dos compoñentes de negocio.

Algunhas das características son:

•  Soporta calquera servidor de aplicacións (Tomcat, JBoss, WebSphere).
•  Soporta JSR-168: Todos os módulos OpenXava tamén son portlets estándar.
•  Mecanismo de persistencia: EJB3 JPA, Hibernate ou EJB2 CMP.
•  Está probado cos portais: JetSpeed 2, WebSphere Portal, Liferay e Stringbeans.
•  Fácil integración de informes feitos con JasperReports.
•  Licenza LGPL. É posible desenvolver aplicacións comerciais con OpenXava.
•  Todas as etiquetas e mensaxes están en varios idiomas

Sorceforge.net : http://sourceforge.net/projects/openxava/

Web oficial: OpenXava  

“Puppy Linux” é unha distribución lixeira, do tipo “Live”, que se pode iniciar desde un CD, un DVD ou un dispositivo USB. Unha das características é que pode crear “pups”, ou novas versións derivadas creadas polo propio usuario para algún propósito específico.

Digipup é un exemplo disto con aplicacións para xerar unha radio persoal ao posibilitar a súa creación e levala no peto nunha chave USB…

Máis información na ligazón:
Linux.com

Molinux anunciou que xa se pode descargar dende a web a nova versión MoLinux 3.0 (Aldonza).

Esta nova versión conta cun instalador que mellora o recoñecemento de hardware, un xestor de notificacións hardware no escritorio, un sistema de migración de contas de usuario permitindo migrar os datos e configuracións dende outros sistemas operativos, un sistema de rescate para recuperar o sistema operativo en caso de corrupción deste e moitas cousas máis.

As características principais que integran este novo paquete baseado en Ubuntu Feisty 7.04 son:…

Molinux 3.0 (Aldonza) está dispoñible para descarga dende a web de Molinux.

Tamén é posible a súa actualización dende a versión anterior de Molinux (Rocinante-V2) configurando previamente os repositorios. 

Fonte:
http://www.yoper.com
http://diariolinux.com

Red hat anuncia o servizo actualizado de Red Hat Command Center e

perfila o seu catálogo de capacidades de xestión de sistemas en que se

inclúe os modelos de software como servizo (SaaS) e de implantación /in-situ/

para os despregamentos.

Red Hat actualizou o seu servizo de Red Hat Command Center, co

propósito de que a tecnoloxía de monitorización empresarial sexa máis

accesíbel para unha ampla audiencia de clientes da compañía. Esta

versión amplía o seu extenso catálogo de capacidades de xestión de

sistemas, ofrecidos tanto baixo modelos de software como servizo

(SaaS) como os de implantación /in-situ/ e achégalles aos clientes unhas

máximas

posibilidades de elección e de valor para unha ampla gama de escenarios

de uso.

Red Hat Command center ofrece unha monitorización sinxela e asequíbel

para unha ampla gama de compoñentes da infraestrutura de TI, que van

desde os dispositivos de servidores e de rede até as aplicacións de

negocio e de sitios web. Os clientes poden monitorizar non só Red Hat

Enterprise Linux e JBoss, senón tamén servidores web (Apache, Tomcat),

SGBDs (Oracle, MySQL) e servizos de rede (DNS, FTP, SNMP).

Para máis información: eWeek

Hispalinux é a asociación de usuarios españois de GNU/Linux. O 20 de xuño de 1.997 foi a data na que se constituíu a que hoxe é unha das asociacións referentes da liberdade tecnolóxica a nivel mundial.

O que comezou como unha forma de darlle status legal ao intento dunhas poucas persoas de axudar a dar a coñecer o sistema GNU/Linux no seu mesmo idioma a través do proxecto LuCAS (Linux en Castelán) pronto se converteu nun fervedoiro de actividades de promoción, de difusión e de creación de Software Libre…

Hoxe, Hispalinux non so é referente nacional e internacional, senón que tamén é a maior asociación tecnolóxica do mundo hispano; conta con preto de 8.500 socios (por motivos legais só poden selo aqueles con nacionalidade española).

Pode achar máis información en: Hispalinux

Revisor é unha ferramenta creada por The Fedora Unity e non é nova, de feito, xa vai pola versión 2.0.3.8 presentada recentemente.

Revisor deixa personalizar tanto os CD coma os DVD dende unha cómoda interface gráfica, o que o fai accesible a todo tipo de usuarios, e dispón tamén da posibilidade de configuralo mediante liña de comandos e ficheiros de configuración, co que os usuarios profesionais ou con maiores coñecementos tamén poderán gozar personalizando a súa distribución até os máis mínimos detalles.

As posibilidades de Revisor son tan amplas que permiten non soamente escoller os paquetes que queremos incluír no noso Live CD ou DVD ou medio de instalación, senón que tamén podemos definir ao noso antollo como será o aspecto do escritorio no Live CD ou unha vez instalado.

Revisor
http://revisor.fedoraunity.org/

Fedora Unity
http://fedoraunity.org

A páxina recolle todos os datos da Enquisa sobre Infraestrutura e Equipamentos Locais (EIEL), elaborada segundo metodoloxía común polas deputacións provinciais, coa colaboración técnica do Ministerio de Administracións Públicas (MAP). Constitúe o instrumento obxectivo de análise e valoración das necesidades de dotacións locais a efectos da cooperación económica local do Estado.

A súa finalidade é coñecer a situación das infraestruturas e equipamentos de competencia municipal, formando un inventario de ámbito estatal, de carácter censal e con información sistematizada dos concellos con poboación inferior aos 50.000 habitantes.

O xurado que concederá o próximo mércores o Premio Príncipe de Asturias de Investigación Científica e Técnica 2007 comeza mañá as súas deliberacións en Oviedo para analizar as corenta e nove candidaturas que optan ao galardón. Entre as propostas remitidas nesta XXVII edición dos premios figuran as do informático finlandés Linus Torvalds, creador do sistema operativo Linux; o biólogo mexicano Rafael Navarro González, e o Centro de Cirurxía de Mínima Invasión (CCMI), con sede en Cáceres.

Tamén son candidatos o biólogo británico Edward O. Wilson e a oncóloga Maura Rita María Massimino, ademais de James Lovelock, científico británico que lanzou a “teoría Gaia”, que establece que a Terra funciona como un organismo vivo autorregulado. Ademais, optan ao premio, nunha única candidatura, o bioquímico belga Eric de Clercq, e o seu colega checo Antonin Holy polas súas descubertas para facer fronte a enfermidades virais coma a varicela e o herpes…

A Forxa de mancomun acadou hoxe a cifra dos 100 usuarios rexistrados.

A Forxa tivo dende os seus inicios un crecemento progresivo, non demasiado rápido mais si constante e conta cunha comunidade activa dedicada a proxectos de diferente índole temática.

Ultimamente os proxectos que máis éxito estan a ter, alén do proxecto Traducíndote, son os de xestión de vendas (TPV, xestor de hotel etc).

A Forxa conta tamén con novos proxectos como: SXBD estándar-completo, Xestion documental de centros educativos, loga, reinxeñería de gtranslator etc.

Este éxito é tamén posíbel debido á diversidade de áreas en que a

comunidade está especializada, un feito que fai da Forxa un proxecto moito máis rico e atractivo.

Fonte: Oficina de Software Libre (OSL)

MapGuide é un sistema de publicación de información xeográfica vía web cunha interface de consulta que ten un desenvolvemento importante do lado do cliente. Dito cliente pode estar baseado en [[AJAX]], o que permite amosar información xeográfica sen necesidade de que o usuario teña que descargar e instalar un plug-in, ou pode estar baseado no formato DWF, desenvolvido por Autodesk para a publicación lixeira de información CAD, en cuxo caso o usuario si que ten que instalar un control OCX na súa máquina.

O visualizador MapGuide, foi desenvolvido inicialmente pola división XIS de Autodesk. Coa chegada desta versión mellorada (1.2.0 Release Candidate 2) solvéntanse diversos erros de funcionamento.

Entre as capacidades de MapGuide destaca ademais da visualización a selección de elementos, consulta de atributos, etiquetado simple e diversas operacións de análise espacial sinxelo (selección por polígonos, envolventes ou buffers, etc. Tamén é de relevancia a API para os programadores. O desenvolvemento pode facerse en PHP, ASP.NET ou JSP, o que abre notablemente as posibilidades de integración desta ferramenta. Neste sentido, outra ventaxe importante é que é compatible con Apache podendo instalarse en Windows e Linux.

Entre os estándares OGC, cumpre con WMS e WFS.

Toda a información do proxecto está bastante ben documentada e sen dúbida algunha entre os publicadores de información xeográfica vía internet MapGuide convértese nunha referencia obrigada agora que é un produto gratuíto e unha das aplicacións nese tipo de mercado máis destacable.

A aplicación ten licenza LGPL

IBM publicou recentemente o último artigo dunha serie de 3 sobre optimización de sistemas [[LAMP]] (Linux+Apache+Mysql+PHP). Este último artigo trata sobre como optimizar o noso servidor de bases de datos [[MySQL]].

Os títulos dos artigos son os seguintes:

Todos estes artigos están dispoñibles na biblioteca técnica de Linux de IBM, ademais doutros moitos artigos:
http://www.ibm.com/developerworks/views/linux/library.jsp