Autor: Alberto

O creador da linguaxe de programación [[Perl]], Larry Wall acaba de publicar o 11º informe anual de Perl referido ao estado de desenvolvemento da linguaxe desde a súa creación, e que se titula “Programming is Hard, Let’s Go Scripting”.

Neste informe, trátanse especialmente as linguaxes de scripting e a súa evolución, dividíndoos en grupos: pasado, presente e futuro do scripting, sempre obviamente facendo referencia ao desenvolvemento de Perl 6…

Perl é unha linguaxe de programación deseñada creada en 1987 e que toma características de C, da linguaxe interpretada shell, AWK, sed, Lisp e nun grado menor de moitas outras linguaxes de programación. [Wikipedia]

Fonte da nova:
http://ubuntulandia.nireblog.com/post/2007/12/15/perl-6-informe-anual-n-11

BlazeDS, que se atopa xa dispoñible en versión de beta pública e na web de Adobe Labs, forma parte da suite de Adobe, LiveCycle Data Services Enterprise Suite, a cal prové de aplicacións de contornos de conectividade, deseñadas na plataforma Adobe Flex para desenvolver e despregar aplicacións RIA.

Adobe anunciou ademais, que para dar maior soporte ofrecerá un servizo por subscrición de Adobe LiveCycle Data Services, que tamén incorporará a tecnoloxía de fonte aberta.

As novas ferramentas ofreceranse ao cliente baixo subscrición anual, que incluirá actualizacións e parches, así como soporte e indemnización por erros. Adobe anunciará o prezo do servizo por subscrición unha vez que BlazeDS saia ao mercado baixo LGPL v3, o cal espérase para comezos do ano próximo

Fonte: Vnet.es  

O Consello de Goberno da Universidad de Salamanca vén de aprobar unha Instrucción sobre el Uso de Estándares Abiertos en los Medios Electrónicos y Portal Web Institucional de la  Universidad de Salamanca. A través desta medida a institución castelá fai explícitos unha serie de compromisos entre os que destacan a adaptación total dos documentos colgados da web da universidade a formatos abertos e elaborar un listado de estándares abertos para a axeitación da institución a este tipo de especificacións.

Estas medidas serán coordinadas e executadas pola Oficina del Conocimiento Abierto da universidade salmantina.  

O ministerio de Economía dos Países Baixos anunciou que abril de 2008 será a data límite, para que tódalas institucións comecen a empregar software de código aberto.

Esta medida implica, que todas aquelas organizacións que empreguen software comercial, deberán xustificalo. O goberno holandés calcula aforrar en licenzas de software, 5,9 millóns de euros ao ano.

Fonte:http://www.elpais.com/articulo/internet/administracion/holandesa/usara/norma/software/codigo/abierto/elpeputec/20071214elpepunet_4/Tes

A Oficina do Coñecemento Aberto da Universidade de Salamanca anunciou a aprobación do emprego e a promoción de estándares abertos na comunicación institucional e na súa páxina web. A través desta medida a institución castelá fai explícitos unha serie de compromisos entre os que destacan a adaptación total dos documentos colgados da web da universidade a formatos abertos e elaborar un listado de estándares abertos para a axeitación da institución a este tipo de especificacións.

Neste enlace pódese ler o anuncio do Consello de Goberno e o texto completo da norma…

Fonte:
http://barrapunto.com

A FSF acaba de lanzar unha campaña coa cal pretende conseguir que máis xente se una á Free Software Foundation ou doe fondos para así poder levar a cabo as súas tarefas no 2008.

Na páxina da FSF hai dispoñible un vídeo de Peter Brown, director executivo da FSF pedindo o rexistro de 500 novos membros ou a donación de 100.000 $.

Ademais teñen dispoñible un banner que calquera persoa pode incluír na súa web para tentar axudalos. O banner é o seguinte:

Fonte da nova:

http://www.fsf.org/appeal/2007/index_html#

Todas as institucións do goberno central holandés terán a obriga de empregar estándares abertos a partir de abril do 2008 a menos que haxa razóns de peso que impidan o uso dos citados estándares. É a conclusión a  un proceso de varios anos que recibiu grandes presións por parte das compañías de software propietario.

Ademais farase un amplo estudo do mercado do Software Libre en Holanda e os departamentos de economía e educación deste país traballarán para levar a cabo unha implementación masiva do Software Libre no eido da educación.  

Fonte: Opensourcelearning

O fabricante de solucións informáticas para a sanidade McKresson vén de adaptar con éxito as súas aplicacións a Linux. Deixou así de empregar custosos mainframes que funcionan baixo versións propietarias de Unix por sistemas con Linux en servidores básicos. Desde hai tres anos McKresson leva unha política de empregar sempre que sexa posible solucións de código aberto.

Como parte desta nova tendencia asinou un acordo con Red Hat para dar servizo aos seus clientes que poden aforrar ata un 60% en custos. O 75% dos clientes de McKresson xa se inclinaron polo código aberto.

Fonte: Computer World

Fonte:
http://barrapunto.com/
http://www.theinquirer.es