Descarga: Sourceforge
A Asociación de Empresas Galegas de Software Libre(AGASOL) busca xerente para esta asociación de recente creación. Os interesados deben de enviar os seus curriculums vitae ao enderezo electrónico ofertas@agasol.org. O contrato é a tempo parcial e esíxese un mínimo dun ano de experiencia laboral.
Esta oferta foi enviada a lista de emprego de Mancomun.org onde se poden recibir e envíar ofertas de traballo vencelladas ao Software Libre. Está aberta á inscrición de calquera empresa, traballador ou institución interesada.
Requirimentos:
-Título universitario medio ou superior
-Perfil comercial
-Carnet de conducir e coche propio
Valorarase:
– Experiencia previa no sector TIC
– Coñecemento do sector do Software Libre
– Experiencia previa na xestión de asociacións ou movementos asociativos
– Experiencia nalgún cargo directivo
Funcións:
– Relacións con bancos e provedores e as empresas asociadas
– Relaciones con clientes e administración pública
– Difusión e promoción de actividades dos membros da asociación
A compañía dixo nun comunicado que cumprirá con todas as esixencias da licenza do software de código aberto e que poñerá na súa web o código modificado do BusyBox nunhas semanas. O asunto deuse a coñecer á prensa cando o SFLC (Software Freedom Law Center) anunciou o 20 de setembro que ía levar a xuízo por primeira vez na historia a unha empresa por infrinxir a licenza [[GPL]].
Aínda que non é demasiado coñecido nos círculos do código aberto, BusyBox utilízase virtualmente en todos os dispositivos baseados en GNU/Linux. Combina pequenas versións das utilidades máis comúns de Unix/Linux nun único e lixeiro executable. Consegue así substituír a moitas utilidades GNU sen requirir tanto espazo.
Fonte: The Inquirir
OmegaT está pensado para os tradutores profesionais. Algunhas das súas características inclúen a segmentación personalizada por parte do usuario usando expresións regulares, memoria da tradución, cadeas dubidosas, coincidencias de glosario, procura do textos en memorias da tradución e procura de palabras chave en materiais de referencia.
Descarga: Sourceforge
A maior cadea de farmacias públicas suecas migrará aos seus sistemas a solucións de código aberto provistas por Red Hat. As máis de 900 farmacias da cadea Apoteket terán os seus servidores coa solución Red Hat Linux Enterprise correndo sobre hardware Intel. 
Xa tedes á vosa disposición os vídeos da OpenOffice.org Conf 2007 que se celebrou a pasada semana en Barcelona. Foron realizados por Kiberpipa, un grupo de activistas culturais eslovenos ligados á cultura libre.
Desde o ano 2005 está dispoñible para Mac o conxunto de ferramentas ofimáticas OpenOffice.org. Sen embargo é preciso ter instalado o entorno gráfico x11 ou ben podíase ter instalado NeoOffice, proxecto baseado en OpenOffice.org pero independente. A partir do vindeiro ano OpenOffice.org ofrecerá unha versión con soporte nativo para Mac OS X e súa interface Aqua grazas á colaboración de Sun Microsystems.
Xa está dispoñible unha versión alfa preparada para traballar con Mac OS X 10 ou 10.5 que se pode executar en Mac baseados en PowerPc ou Intel.
Instálase facilmente, intégrase mellor coa interface de OS X (con menús de desprazamento, atallos de teclado por exemplo), usa os tipos de letra de Mac OS X e os servizos de impresión sen unha configuración adicional. Ademais intégrase ben co clipboard de Mac OS X e permite arrastrar elementos entre aplicacións de Mac.
Sen embargo, require máis memoria ca versión X11 para lograr con el un bo rendemento. Algunhas funcións son especialmente lentas e depende do desenvolvemento do software de OpenOffice.org.
Dada a coñecer no «Intel Developer Forum» por Renee James, vicepresidenta corporativa e xerenta xeral do Grupo de Software e Solucións de Intel, a iniciativa LessWatts.org reúne a comunidade de desenvolvedores de aplicacións para Linux, OSV e usuarios finais para facilitar o desenvolvemento, a implementación e a optimización de tecnoloxía, ademais da facilidade de compartir información arredor da administración da enerxía en Linux.
En centros de datos grandes, o consumo de enerxía dos servidores impón límites sobre o crecemento dun centro e representa custos financeiros e ambientais significativos. Ademais dos grandes clientes de centros de datos, tamén os usuarios móbiles vense restrinxidos por límites no consumo de enerxía porque o espazo nas baterías redúcese continuamente coa redución global do tamaño dos dispositivos móbiles. Nos mercados de servidores e de dispositivos móbiles continúa medrando a relevancia e mais a participación de mercado do sistema operativo Linux.
«Creamos LessWatts.org para acelerar o desenvolvemento da tecnoloxía e simplificar a posibilidade de compartir información para unha administración de enerxía efectiva, nun amplo espectro de dispositivos e segmentos da industria», declarou James. «Unha iniciativa enfocada que sume os esforzos dispersos nun sistema holístico servirá como poderoso catalizador para levar solucións con consumo eficiente de enerxía ao segmento de mercado en menos tempo, e beneficiar con iso os clientes que mercan produtos de Intel».
A iniciativa LessWatts.org comprende varios proxectos clave, en que se inclúen melloras ao núcleo de Linux (como a característica «tickless idle» que aproveita mellor tecnoloxías de hardware co aforro de enerxía), a ferramenta PowerTOP que axuda a optimizar aplicacións Linux para o aforro de enerxía e o Linux Battery Life Toolkit para medir e instrumentar o impacto de cambios ao código de Linux en aforros de enerxía. Ademais, LessWatts.org proporciona a Linux soporte para características de aforro de enerxía hardware que se implementarán en plataformas actuais e futuras de Intel.
Fonte da nova e máis información en: La Flecha
Desde hoxe día 24 de setembro está aberto o prazo de inscrición para o II Concurso Universitario de Software Libre. Esta iniciativa pretende fomentar proxectos desenvolvidos por estudantes e dinamizar a comunidade desenvolvedora de Software Libre en España. Os participantes no concurso han de ser maiores de idade e estar matriculados en primeiro ou segundo ciclo nalgunha das Universidades españolas durante o curso 2007/08 e estar en disposición de poder acreditalo.
Os proxectos debe estar integramente desenvolvidos coa implementación en Software Libre de calquera linguaxe de programación e a licenza elixida deberá estar comprendida dentro do conxunto de licenzas consideradas de Software Libre polo proxecto GNU (lista en castelán non actualizada). As bibliotecas utilizadas tamén deberán estar baixo este conxunto de licenzas.
As categorías aos que todos os proxectos participantes optan serán:
A súa descarga desde a Rede xa é posible tanto pola páxina oficial de GNU/LinEx (www.gnulinex.org) como a través dos mirror da Universidade de Estremadura, segundo informou a Junta en nota de prensa. O GNU/LinEx 2006 r3 constitúe unha nova mostra da proxección dos principios que fundamentan o Software Libre.
As novidades no apartado gráfico derívanse, sobre todo, da actualización das bibliotecas básicas de Gnome, as bibliotecas GTK, Cairo e Lib-Gnome. Ademais, incorpórase ao contorno gráfico a nova tecnoloxía vectorial que aproveita mellor os recursos do hardware, potenciada pola adopción da versión 7.1 de XORG, que proporciona, tamén, maior soporte de controladores das últimas tarxetas de NVIDIA, ATI e INTEL principalmente.
Pola súa banda, as reformas no panel de control centráronse en homoxeneizar o seu aspecto para achegalo ao característico dunha aplicación Gnome. Deste xeito, o sistema de actualización incorporou a posibilidade de descargar o plugin, co que é posible abrir arquivos en formato OOXML a través das aplicacións da suite OpenOffice para, deste xeito, romper unha posible barreira de compatibilidade con outras plataformas informáticas. Así mesmo, incorpórase a GNU/LinEx 2006 r3 a nova versión de OpenOffice, máis lixeira e rápida.
As actualizacións de seguridade de Debian, ademais, estarán dispoñibles desde o propio CD de instalación, mellórase a versión do emulador de Windows e amplíase o repositorio con todo un conxunto de ferramentas con M-Player.
Unha aplicación web de código aberto que permite aos pais estar máis
involucrados coa educación dos seus fillos, conxuntamente desenvolvida polo
axuntamento da cidade francesa Rennes e a Academia de Rennes, gañou este
verán o premio ao mellor proxecto de código aberto outorgado polo axuntamento da cidade francesa.
O premio foi outorgado na conferencia de xuño «Paris Capitale du Libre
2007».
A aplicación web, chamada Educ@Rennes e desenvolvida empregando Iconito como base, permite aos profesores publicar artigos, fotografías e sonidos, incluíndo aqueles gravados empregando un teléfono móbil.
Educ@Rennes debería axudar aos pais a seguir o progreso da educación dos seus fillos. Os pais pódense comunicar directamente cos profesores, ver qué hai no menú da escola e fotografías tomadas nas aulas ou nas excursións escolares. O portal ofrece tamén un blogue, supervisado por un profesor, coa última tecnoloxía de Internet e multimedia, incluíndo «podcasts» e mensaxes multimedia dispoñibles para PDAs. «Esto é moi práctico para os profesores e os alumnos e é unha solución para os pais que queren estar enterados das actividades dos seus fillos», anunciou un representante de Iconito.
Iconito está desenvolvido usando PHP, unha linguaxe de programación web
aberta. O portal pode ser instalado en GNU/Linux, Windows e Mac OS X,
require o servidor web libre Apache e soporta tanto Mysql coma Postgresql,
dous sistemas de xestión de bases de datos libres.
Fonte:
A semana pasada anunciáronse os gañadores dos premios ás mellores aplicacións de código aberto outorgados pola revista InfoWorld , coñecidos como os “Bossies”.
Estes premios recoñecen ás mellores aplicacións libres de uso empresarial, destinadas tanto a pequenas oficinas como a grandes compañías. Os premios concedidos na categoría de aplicacións empresariais foron parar a: SugarCRM, Openbravo, Liferay Portal, Alfresco, Scalix e Jabber.
O obxectivo principal do Centro de probas de Infoworld é identificar as solucións máis prometedoras e de mellor relación calidade-prezo para as organizacións TIC. Cada día máis, estas solucións veñen da man do Software Libre e por iso naceron os Bossies.
Estes premios dánse aos mellores produtos probados en cada unha das categorías como sistemas operativos, bases de datos, conectividade, comunicacións, almacenamento, seguridade, ferramentas de desenvolvemento, aplicacións empresarias e máis.
Máis información: The Bossies
Fonte: Premios InfoWorld 2007
Gnome 2.20 é a última versión do popular escritorio de código aberto. Segundo a nota oficial de lanzamento entre as melloras desta nova versión atópanse:
Mellora do soporte para linguas con escritura de dereita a esquerda.
Busca do escritorio integrada do diálogo do selector de ficheiros.
Novas características do cliente de correo e calendario Evolution.
Simplificación das preferencias do sistema.
Xestión eficiente de enerxía e monitorización moi precisa para a batería de portátiles.
Ademais dende Gnome destacan que os desenvolvedores obteñen máis axuda no desenvolvemento de novas aplicacións grazas a nova versión de GTK+, ferramentas melloradas e un novo sitio de documentación en liña.
Fonte: http://www.theinquirer.es/2007/09/20/gnome_220_disponible.html
Xunta de Galicia, Información mantida e publicada na internet pola Xunta de Galicia
Atención á cidadanía - Accesibilidade - Aviso legal - Mapa do portal
