Calidonia vén de publicar a presentación que se proxectou durante o Festigal’07 na Haima das Ciencias e do Software Libre. As distintas diapositivas que forman a presentación fixéronse a partir das novas sobre Software Libre e liberdade tecnolóxica enviadas e/ou publicadas en Chuza! desde agosto de 2006 até xullo de 2007.
Fonte: Calidonia
Con esta actividade preténdese formar á poboación en creación e xestión de bases de datos co OpenOffice.org Base.
Fonte: Rede de dinamización
A empresa Igalia S.L. vén de publicar unha oferta de emprego para un Analista/Programador. O posto é para un enxeñeiro en Igalia, traballando en proxectos de Software Libre con perspectiva internacional dende Galicia.
Os requisitos do posto son:
Botando unha ollada á web da Ciberirmandade da Fala vemos a seguinte nova:
“Xa temos dispoñibles no TraduCIF os arquivos de idioma da RC1 do Joomla 1.5, de xeito que xa podes colaborar na tradución da mesma. De feito, o traballo está bastante avanzado por mor do aproveitamento da antiga tradución levada a cabo tamén no TraduCIF, polo que, o meirande esforzo, debería cinguirse basicamente deica a validación das cadeas traducidas propostas.
Lembra que dispoñemos dun libro de estilo (aínda en proceso de definición) e un foro adicado ás discusións relativas aos traballos de tradución.”
O sistema TraduCIF da Ciberirmandade da Fala é o mesmo sistema que o Entrans de mancomun.org, de feito a tradución do Entrans de mancomun.org está baseada na do TraduCIF…
Acabamos de rematar a tradución e revisión das cadeas traducidas do Sunbird usando o servizo de tradución online de mancomun.org (Entrans). Despois do proceso de revisión, levado a cabo xunto coa xente de Galician.mozdev.org, publicamos o complemento coa tradución ao galego que se pode descargar dende o Wiki de mancomun.org.
O Sunbird é unha aplicación independente baseada no módulo (ou complemento) de calendario de Mozilla e que cumpre sobradamente as funcións de axenda, lista de tarefas e calendario con alarmas. Tamén existe o Lightning, que é un complemento coas mesmas funcións e que se integran perfectamente co xestor de correo Thunderbird. En breve esperamos tamén sacar a tradución do Lightning ao galego usando a tradución do Sunbird.
No Entrans tamén se atopan os ficheiros para traducir o Gimp (actualmente nun 84% rematado).
Outros proxectos traducidos mediante o Entrans foron:
Lendo Vieiros atopamos unha nova sobre o lanzamento oficial, por parte do Ministerio de Relacións Exteriores de Bolivia, da tradución do software [[Abiword]] a lingua aimara. Esta iniciativa pretende animar ao público a traducir outros programas como o Mozilla Firefox, OpenOffice,org, o contorno de GNOME e demais software de uso doméstico.
O feito de que o programa Abiword sexa Software Libre fai posible que linguas minoritarias poidan dispoñer de programas traducidas ao seu idioma. Abiword é unha das últimas incorporacións a lingua aimara, falada por máis dun millón de persoas entre Bolivia, Perú e Chile.
A “Consejería de Innovación, Ciencia y Empresa” está a promover o desenvolvemento da administración dixital en Andalucía a través da Orde de incentivos á innovación e modernización das administracións locais, que desde a súa posta en marcha no ano 2006 apoiou un total de 56 proxectos na provincia de Córdoba. O logro do obxectivo pasa por unha notable reorganización dos propios procedementos e dos procesos municipais, así como pola incorporación de estándares de Software Libre para o desenvolvemento de novas aplicacións co fin de evitar o actual pagamento de custosas licenzas.
A adopción do Software Libre nos sistemas da administración, segundo destacou o delegado provincial de Innovación, Andrés Luque, non só permite incorporar novas aplicacións desenvolvidas por outras entidades locais a través desta orde de incentivos sen custo ningún, senón que contribúe a concentrar os recursos locais no desenvolvemento de novos servizos innovadores para a cidadanía e a ampliación dos existentes.
Fonte da nova e máis información en: La Flecha
Scorched 3D é un remake do clásico xogo de [[DOS]], Scorched Earth. En Scorched 3D os escenarios son completamente en tres dimensións e poderemos xogar en rede ou por Internet contra outros xogadores. Un xogo de acción por quendas, con licenza GPL e que se pode gozar en diferentes plataformas, coma Windows, GNU/Linux , Solaris, FreeBSD e Mac.
Atópase dispoñible a beta (publicada o 28 de xullo) do que será a próxima versión 41 de Scorched 3D. A lista de novidades é inmensa, posto que pasaron uns 8 meses desde a anterior versión e os desenvolvedores estiveron moi activos.
Os cambios abarcan moitos aspectos do xogo, realizáronse diversos axustes, mellor do motor gráfico e optimizado das comunicacións no xogo en rede, entre outras cousas.
Xa se pode descargar esta nova versión desde os espellos de Sourceforge, en formato rpm ou nun ficheiro comprimido co código fonte para poder compilalo.
Fonte: Linuxjuegos.com
O Software Libre está tendo un forte crecemento no eido da Intelixencia de Negocios (Business Intelligence, BI). Denomínase Intelixencia de Negocios ou Intelixencia Empresarial ao conxunto de estratexias e ferramentas adicadas á administración e creación de coñecemento mediante a análise de datos existentes nunha organización ou empresa.
Este conxunto de ferramentas e metodoloxías teñen en común as seguintes características:
» Accesibilidade da información. Os datos son a fonte principal deste concepto. O primeiro que deben garantir este tipo de ferramentas e técnicas será o acceso dos usuarios aos datos con independencia da procedencia destes.
» Apoio en toma de decisións. Búscase ir máis aló na presentación da información, de maneira que os usuarios teñan acceso a ferramentas de análise que lles permitan seleccionar e manipular só aqueles datos que lles interesen.
» Orientación ao usuario final. Búscase independencia entre os coñecementos técnicos dos usuarios e a súa capacidade para utilizar estas ferramentas.
e dacordo ao seu nivel de complexidade pódense clasificar as solucións de Business Intelligence en:
» Consultas e informes simples (Queries e reports)
» Cubos OLAP (Procesamento Analítico en Liña)
» Data Mining ou minería de datos
» Sistemas de previsión empresarial …
Para GNU/Linux podemos atopar, entre outras, as seguintes ferramentas:
Biblioteca java para programar solucións de informes embebidas
Kettle, ferramenta ETL,ferramenta que permite, sen programar ningún código, levar a cabo transformacións, extraccións, transporte e carga de datos complexos.
OpenOffice incluirá Pentaho
Outras referencias:
Portal de información sobre ferramentas de BI
Artigo “OLAP e GNU/Linux” publicado na wikiaula.
Información na wikipedia do termo: Business Intelligence
Poky é un sistema GNU/Linux embebido, cun contorno de desenvolvemento e distribución construído sobre tecnoloxías OpenEmbedded. O obxectivo de Poky é a construción estable de plataformas optimizadas do tipo GNOME Embedded (X11/Matchbox/GTK+).
O núcleo de Poky consiste nun conxunto de paquetes e regras en metadatos para producir un sistema de ficheiros compilado para un tipo de dispositivo específico. Os metadatos son moi adaptables e extensibles, e poden ser tolerados polas necesidades específicas dun tipo de dispositivo en concreto…
Mediante a integración con QEMU ou ferramentas como chroot, Poky ofrece un contorno de desenvolvemento único.
Entre as súas características inclúe:
Soporte kernel para Linux 2.6.x.
Soporte de arquitecturas x86 e ARM (ambos OABI e EABI) con opción doutras tamén.
Complete cross-compiling toolchain generation (gcc 3.4 e gcc 4.1 soportados).
Busybox, tslib, glibc2.x, Kdrive 7.1 XServer (TinyX) e máis.
Soporte GNOME Embedded completamente adaptable e configurable para DBus / Gstreamer EDS Embedded / X11/ Matchbox / GTK+ / Cairo, etc.
Soporte de xestor de paquetes dpkg ([[Debian]]) ou Ipkg opcional. Integración QEmu (x86 e ARM).
Soporte para medidas con OProfile con sistema gráfico remoto UI.
Soporte para Linux Trace Toolkit (LTTng).
100% Código aberto.
Xa se pode descargar a nova versión do corrector ortográfico de galego para o OpenOffice.org. Esta nova versión é a 2.0 e inclúe un montón de melloras, entre elas cabe destacar:
O resultado como comprobaredes, é un corrector moi optimizado e que xa se pode descargar tanto desde a nosa páxina web, na sección de “Software Libre en Galego -> OpenOffice.org“, como desde os repositorios oficiais de OpenOffice.org, usando a opción do menú “Ficheiro -> Asistentes -> Instalar novos dicionarios”. As instrucións de instalación atópanse no Wiki e máis na páxina de descargas do OpenOffice.org.
Como sempre, poderedes enviarnos os erros que detectedes á páxina de discusión do corrector no noso Wiki, ou nos foros desta mesma web.
VDrift un xogo de simulación de coches en 3D, dispoñible para diferentes plataformas ( GNU/Linux, Windows, MacOS X, FreeBSD) baixo a licenza GPL. A última versión (2007-03-23) trae moitos cambios importantes que achegan ao xogo un pouco máis ao nivel dos xogos de condución comerciais, pero aínda lle queda un longo camiño.
Esta versión inclúe as seguintes novidades:
Web Oficial: VDrift
Consultas no foro: Foro de VDrift
Finalmente, o voto de España para adoptar OOXML (Office Open XML) como estándar de ofimática pola ISO será ABSTENCIÓN. Varios países rexeitaron o OOXML pero debido ás regras de AENOR o voto final que se emitirá o próximo 2 de setembro será abstención. O resultado ten moita relevancia xa que inicialmente se contaba co voto a favor de España que é un membro principal na ISO/IEC.
Na actualidade existe xa o estándar ISO-26300 totalmente aberto e apoiado pola comunidade de Software Libre que é o ODF (Open Document Fomart).
Fonte.- softwarelivre.org e ooxml.info.
AGASOL nace con 12 empresas asociadas: Aitire, Allenta, Bora Telecom, Igalia, Imagos, Inforede, Pexego, Redegal, Signo, Tegnix, Ultreia Comunicaciones e Wireless Galicia. No mes de setembro será presentada a súa web e seleccionarase o seu xerente.
Fonte.- Blogue de Javier Vázquez.
“KWireless Tools Pro” é un paquete de ferramentas para KDE que permite a xestión das túas conexións WiFi. KWireless Tools Pro ven sendo unha interface das “Wireless Tools” de Debian para a contorna KDE.
A diferenza radica en que KWireless Tools Pro permite a xestión, configuración e modificación das túas conexións WiFi desde o centro de control de KDE.
Características:
Algunhas capturas de pantalla do seu funcionamento:
Esta aplicación usa código dos seguintes proxectos GPL:
Características a implementar:
KWireless Tools Pro está pensado para sistemas baseados en Debian. A pesares de que se pode convertir a formato rpm ou tgz, algunhas das funcionalidades como configurar a conexión por defecto ao arrancar ou parar a conexión por defecto non van funcionar. En SuSE 10.2 tamén se detectou que o monitor continuo non funciona, debido a que faltan os paquetes esencias da aplicación, que si estaban presentes na serie 9.x
Dependencias da aplicación:
python, pyQt3, pyKDE, pyQwt4, perl-GTK2, wireless-tools, dhcp-client, resolvconf.
Fonte da nova:
http://www.kde-apps.org
PuntoOrg é un portal creado pola Fundación Bip Bip para ofertar ás organizacións sen ánimo de lucro acceso real ás novas tecnoloxías. O portal leva un ano en funcionamento e entre os seus servizos conta co asesoramento as organizacións, reciclaxe de equipos, un directorio de software no que se poden descargas aplicacións en Software Libre, …
Xunta de Galicia, Información mantida e publicada na internet pola Xunta de Galicia
Atención á cidadanía - Accesibilidade - Aviso legal - Mapa do portal
