Autor: Alberto

Segundo o informe da consultora CCID do que se fai eco The Inquirer, Linux foi o sistema operativo que máis medrou cun aumento do 31%. Superou deste xeito en taxas da crecemento a Windows e Unix que tiveron un 11,6% e un 9,6%. Os responsables do estudo afirman que este forte aumento sosterase no tempo.

A presenza de Linux nos computadores chineses aumentou dun 0,6 no 2006 ata o 2,5% actual. Windows e Unix ocupan o 41,8% e o 52,9% do mercado do país máis poboado do mundo.

 Mumble ten soporte para audio posicional, é dicir, lograr que a voz dos compañeiros de xogo proveña do sitio onde está o seu personaxe. Esta capacidade funciona a modo de plug-in para cada xogo e de momento só está compatible o de Battlefield 2.

Descarga do Mumble:

http://sourceforge.net/project/showfiles.php?group_id=147372  

Esta iniciativa pretende crear unha colaboración entre os dous grupos de desenvolvedores dos distintos continentes.

No sitio web do «FOSS Bridge EU-Vietnam» abriuse a inscrición para os desenvolvedores europeos que estivesen agardando para se unir aos desenvolvedores vietnamitas na programación de aplicacións de código aberto.

As compañías vietnamitas de desenvolvemento de aplicacións de código aberto implicadas no proxecto agardan ser capaces de colaborar cos seus homólogos no eido dos sistemas de uso gobernamental. Tamén pretenden unirse ao colectivo de desenvolvemento de proxectos en J2EE, SOA e Business Intelligence…

Tres organizacións non gobernamentais, o «Inwent» xermano, o «Inria» francés e o «Ioit» vietnamita teñen a esperanza que ao incrementaren os contactos entre os desenvolvedores de código aberto vietnamitas e europeos estimulará no seu país o uso deste tipo de software, para o que se adaptarán as aplicacións ás necesidades vietnamitas e contribuirán con proxectos de código aberto a nivel internacional.

Segundo Corinna von Hartrott-Nöldeke do «Inwent» xermano: «Escolleuse Vietnam porque o pais decidira cambiarse a software libre» (…) «Ademais, en Vietnam, pódese atopar o nivel de capacidade necesario para acometer tales proxectos. Este non é o caso de Laos ou de Camboxa».

A empresa EDM Electronics conta con 120 traballadores discapacitados. O seu directivo, Antonio Jiménez Morillas, asegura que a utilización de Software Libre facilita aos discapacitados o uso normal dos computadores no seu traballo.

Durante  a cuarta edición da versión hispana da Conferencia Europea de Desenvolvedores e Usuarios de Gnome, celebrada en Granada, Jiménez referiuse en concreto ao sistema Ubuntu, con tecnoloxía de escritorio Gnome, que se adapta a persoas con discapacidade auditiva, motriz ou visual nos seus diversos graos porque cumpre coa maioría dos requisitos de usabilidade.

Fonte.- Dminorias  

Intel anuncia a versión de código aberto, baixo licenza GNU/GPLv2, de Intel Threading Building Blocks (TBB), unha biblioteca en C++ que permite o paralelismo en procesadores multinúcleo. A compañía xa lanzara Threading Building Blocks en agosto, unha plantilla C++ deseñada para simplificar a tarefa de desenvolver aplicacións que se aproveiten dos procesadores con varios núcleos ou unidades de proceso.

Intel decidíu lanzar a biblioteca baixo licenza GNU/GPLv2 coa excepción do runtime, grazas á cal todo software comercial pode incrustar este runtime en produtos de código pechado.

Threading Building Blocks funciona en MS Windows, Mac OS X e nas distribucións de GNU/Linux máis populares sobre chips x86. Tamén hai dispoñibles versións da ferramenta para procesadores tipo Alpha en Solaris 10, FreeBSD e MacOS en chips G5.

TBB fornecerá aos desenvolvedores con algoritmos paralelos, contedores concurrentes, planificadores de tarefas e localizadores de memoria escalables. Estes bloques poden ser empregados individualmente ou todos xuntos para ter multifío (multithreading) e obter un maior rendemento. Con TBB, as aplicacións poderán ser escaladas automaticamente para futuros procesadores multinúcleo (multi-core).

AMIDE é unha ferramenta de Software Libre que nos permite ver, analizar e rexistrar un conxunto de imaxes médicas volumétricas. Foi desenvolvido usando as GTK+/Gnome, e pode executarse en calquera sistema que teña soportadas estas ferramentas (GNU/Linux, Windows, Mac OS X a través do fink). Recentemente publicouse a versión 0.8.21 para todas as plataformas anteriormente mencionadas.

Algunhas das súas características son:

• Importación de calquera ficheiro clínico DICOM (empregando a biblioteca DCMTK)
• Importación de ficheiros (8, 16, 32.. bits). Tamén importa Acr/Nema 2.0, Analyze (SPM), DICOM 3.0, InterFile3.3, ECAT 6/7, e Gif87a/89a (usando as bibliotecas (X)medcon/libmdc)
• Soporta diferentes contrastes de cores
• Inclúe unha ferramenta de perfís que pode calcular axustes de Gaussian e FWHM dos perfís xerados. Tamén se poden gardar para uso externo.
• Permite salvar estudos (ROI e conxuntos de datos) en XML.
• e moitas máis

Páxina oficial do proxecto
http://amide.sourceforge.net/index.html

Páxina de descargas:
http://sourceforge.net/project/showfiles.php?group_id=9464

Moitas das empresas rexistradas no noso directorio de empresas realizan implantacións de xestores de contidos aproveitándos das vantaxes do Software Libre e da comunidade desenvolvedora que hai detrás destes produtos. Altia é unha das empresas TIC galegas con maior facturación e número de empregados o cal amosa o grao de madurez de Joomla! e outros xestores de contidos libres.

RogueScanner é unha ferramenta orientada á clasificación de equipos posibles e intrusos conectados nas redes.

O programa necesita executarse dende un computador conectado á rede. Entón fará unha revisión da rede para atopar os dispositivos conectados á mesma. Por cada dispositivo dará información, tal e como a MAC, enderezo IP asignado, fabricante, tipo de dispositivo, sistema operativo, etc…

Entón só hai que comparar a información recollida coa que se coñece da rede e buscar os posibles intrusos. RogueScanner axuda neste proceso de identificación de dispositivos usando unha base de datos colaborativa que permite facer consultas sobre que tipo de dispositivos se están conectando.

A páxina oficial do proxecto en SourceForge.net:
http://sourceforge.net/projects/roguescanner

Visto na web de AGNIX:

“AGNIX presentará no Festigal, o Proxecto Belenus. O obxectivo deste proxecto é idear e por á disposición da comunidade unha plataforma de conexión a internet, de banda larga funcionando con Software Libre e alimentada por enerxías renovables.
…
Pensamos nunha máquina con conectividade Wan fornecida pola rede UMTS, ou pola rede WiMax, no seu caso. Pensamos nunha máquina que non precise de cabos, nin de datos, nin de electricidade. Unha máquina alimentada polo sol, ou polo vento…”

Por outra parte, mancomun.org estará presente no stand de Software Libre onde se presentarán diferentes proxectos que se están a desenvolver na nosa comunidade.

Ou no enderezo do proxecto Belenus:
Web do proxecto Belenus