O laboratorio tecnolóxico cidadán A Industriosa organiza o vindeiro 18 de abril unha sesión práctica centrada no procesado de audio dixital con microcontroladores STM32, orientada a persoas interesadas na electrónica, o hardware libre e as aplicacións de son embebido.
Ao longo da actividade introducirase o funcionamento do audio dixital en sistemas embebidos, abordando conceptos básicos como a captura, o procesado e a saída de sinal, así como o uso de dispositivos I2S, un estándar amplamente empregado en aplicacións de audio.
A sesión terá un enfoque práctico e permitirá coñecer diferentes casos de uso relacionados coa enxeñaría, a investigación ou a creación de proxectos propios.
O obradoiro está dirixido a persoas con interese en dar os primeiros pasos no procesado de audio con microcontroladores ou ampliar coñecementos neste ámbito, non sendo imprescindible experiencia avanzada previa.
Poderás atopar máis información na seguinte ligazón: Introdución ao procesado de audio con microcontroladores STM32 e dispositivos I2S – A Industriosa
