O proxecto de investigación financiado pola Unión Europea o Observatorio de Calidade de Software Libre (SQO-OSS) fixo pública recentemente a plataforma Alitheia Core para o control de calidade de software. O desenvolvemento desta aplicación é o principal obxectivo deste proxecto, creado por un consorcio de dúas universidades e varias empresas de software. Segundo informou o consorcio SQO-OSS, “a medida que Alitheia Core vaia madurando será posible que os proxectos de software despreguen o sistema por si mesmos de xeito que poidan controlar o seu propio código de calidade”.
Alitheia Core pode analizar automaticamente proxectos de código aberto, pola cantidade de código e algunhas das súas características, como pode ser a utilización de clases e métodos e o seu número.
O consorcio agarda que a aplicación axudará aos desenvolvedores de Software Libre en Europa a mellorar o seu traballo. “Débese eliminar unha das principais barreiras para o acceso ao código libre mediante a achega de ferramentas que proben a súa calidade”.
O proxecto está creado poña Universidade de Atenas de Económicas e Empresariais, a Universidade Aristóteles de Thessalniki, a compañía sueca de software Klarälvdalens Datakonsult, a organización sen ánimo de lucro KDE, a empresa alemana de desenvolvemento de software ProSyst Software e a británica de servizos de novas tecnoloxías Sirius.
Fonte: IDABC
