[ Actualizado: 9 de maio de 2008 ]
O programa do itinerario de SwL do III Día Galego do Emprendedor xa é definitivo e como comenta Javi Vázquez, presidente de Agasol, no seu blogue, resulta moi interesante.
É de destacar a presenza de Eduardo Manchón, un dos fundadores da empresa española Panoramio recentemente adquirida por Google; de empresas galegas que apostan polo SwL como Igalia e Allenta ou de empresas estatais como eBox ou Ikusnet.
A inscrición para participar no evento é totalmente gratuíta.
__
O vindeiro 15 de Maio, Santiago de Compostela acollerá a celebración do III Día Galego do Emprendedor . No ámbito da iniciativa promovida dende o Ministerio de Industria, Turismo e Comercio para a realización destas xornadas sobre emprendemento en todas as Comunidades Autónomas, o Igape e BIC Galicia impulsan este evento co obxectivo fundamental de promover e alimentar o espírito emprendedor e, deste xeito, transmitir as claves que permitan emprender en Galicia nun ámbito de innovación e competitividade.
O programa incluirá diferentes bloques temáticos relacionados coas novas tecnoloxías, tanto aplicadas ao sector do granito, representado polo Proxecto de Next-Pedra, como sobre o Software Libre que estará presente da man da Asociación Galega de Empresas de Software Libre (AGASOL) …
Segundo AGASOL “trátase de dar contido a un máximo de catro horas orientadas a un público mozo ao que se lle ofrecerán exemplos e experiencias emprendedoras arredor do software libre. Tamén haberá espazo para as novas fórmulas de organización abertas e en rede ou a busca de financiamento para unha empresa baseada no software libre.”
Fonte:
http://www.diaemprendedor.com/
http://www.agasol.org/ga/
