Bcfg2, ferramenta cliente-servidor para a administración de configuracións de equipos en rede

Bcfg2 é unha ferramenta cliente-servidor que permite a xestión da configuración dos distintos equipos dunha rede (os clientes) empregando un modelo centralizado (no servidor). Bcfg2 axuda aos administradores de sistemas no mantemento e proporciona ferramentas de informes para levar a cabo as tarefas do día a día.

A ferramenta está desenvolvida en Python e emprega unha especificación XML para definir as políticas de funcionamento dos distintos nodos. Bcfg2 foi desenvolvido polo departamento de Informática e Matemáticas do Laboratorio Nacional Argonne.

Bcfg2 fornece unha interface declarativa para configurar o sistema, sendo os clientes os que determinan que operacións de configuración que se poden realizar. Nesta arquitectura, a ferramenta cliente de Bcfg2 é a responsable de determinar que operacións se poden levar a cabo, se as houbese, e a continuación realizar esas operacións. O cliente tamén informa ao servidor das estatísticas das operacións e do estado dos ficheiros de configuración.

 

No trac do proxecto pódese atopar máis documentación do funcionamento e arquitectura de Bcfg2.