A OSL da UDC, acaba de anunciar que os vindeiros 14 e 15 de maio organizará unha Install Party da versión Ubuntu recen publicada, a 9.0.4 “Jaunty Jackalope”.
Este evento celebrarase na primeira planta do Edificio CITIC, no Campus de Elviña, de 17:00 a 20:00 e haberá 25 prazas dispoñíbeis totalmente de balde, que serán cubertas por orde de inscrición. Todos os interesados neste evento teñen dúas opcións para inscribirse: Por teléfono, chamando entre as 8:00 e as 15:00 á extensión 5506. Por email, indicando o nome, DNI, teléfono e día no cal desexa asistir, ao enderezo de correo softwarelibre@udc.es.
Cumprindo co ciclo de lanzamento de Ubuntu, as versións estábeis libéranse cada seis meses e mantéñense en materia de seguridade ata 18 meses despois do seu lanzamento. A versión 9.0.4 de Ubuntu saíu a luz o pasado 23 de abril, co nome de Jaunty Jackalope, xa que a nomenclatura das versión de Ubuntu componse do díxito do ano de emisión e do mes que isto ocorre .
Esta nova versión saíu cunha serie de melloras que fan que a Jaunty Jackalope dea un salto de calidade significativo respecto a outras versións, as características máis relevantes son:
- Kernel 2.6.28-11.37.
- Últimas versión dos escritorios máis utilizados. En Ubuntu, GNOME 2.26, en Kubuntu, KDE 4.2.2 e en Xubuntu, XFCE 4.6.
- Soporte para ext4. Se cadra a mellor característica desta distribución é a inclusión de soporte nativo para ext4. O que aumenta a velocidade de algunhas operacións coma o tempo de arranque.
- Programas máis actualizados, dos que destaca o OpenOffice 3.0.1 e o Mozilla Firefox 3.0.9.
- Melloras na interface.
- Posúe unha utilidade que elimina os paquetes obsoletos e realiza cambios na configuración para mellorar o rendemento.
- Soporte para tarxetas de rede 3G e acceso mellorado a redes sen fíos.
- Aceleración EXA para tarxetas gráficas ATI.
Fonte: OSL da UDC
