O fabricante de dispositivos de vídeo Neuros e Texas Instrument uníronse para desenvolver unha plataforma baseada en GNU/Linux para “set-top-boxes” e outros dispositivos que utilicen a tecnoloxía DaVinci de TI.
Ao sistema operativo e ao software chamaráselle Open Internet Television HDPlatform e será desenvolvido ao redor da liña de procesadores multimedia de Texas Instrument TMS320DM644x DSP, para que nos entendamos, os DaVinci. Neuros di que moi pronto farán público outros detalles do software.
Neuro fai OSD, un DVR programable que soporta almacenamento externo e unha gran variedade de códecs de vídeo. A diferenza do DVR (que confina o contido no dispositivo) ou AppleTV (que confina aos usuarios nun ecosistema multimedia), OSD é un produto aberto que salienta o uso de extensións e os gustos do usuario. O OSD pode almacenar contido e reproducilo desde dispositivos de almacenamento USB, redes de intercambio e pode adaptarse a provedores de contido baseados en Web.
Fonte: Theinquirer.es
