O prazo para enviar presentación para o Akademy 2008 xa está aberto. Esta vai ser o primeiro Akademy que se realicen desde a chegada da nova versión de KDE 4. Para participar na conferencia como poñente hai que mandar un pequeno “abstract” de 150 palabras, unha pequena biografía do relator e unha fotografía (200×200 px). Todo isto hai que envialo ao seguinte enderezo de correo: akademy-talks-2008@kde.org. O prazo de presentación de relatorios remata o día 1 de maio.
Todas as presentación recibidas até ese día serán revisadas polo comité, que dará a coñecer os relatorios aceptados como máis tarde o 1 de xuño.
O evento terá lugar en Bélxica entre os días 9 e 15 de agosto…
O Akademy é un evento anual de Software Libre orientado á contorna de escritorio KDE. Este ano os temas principais a tratar neste encontro de desenvolvedores serán:
- A nova versión de KDE 4: migración de aplicacións á nova versión, creación de novas aplicacións, presentación da plataforma e as novas características.
- Proxectos de investigación: investigación científica, universidades, presentación de teses…
- Dispositivos móbiles embebidos: KDE fora da contorna clásica do escritorio, desafíos clásicos, adaptar KDE ao mundo móbil.
Podes atopar máis información na seguinte ligazón:
http://akademy2008.kde.org/
