A comunidade Morfeo en Cataluña celebra os vindeiros días 10 e 11 de xuño unhas xornadas de difusión do proxecto. O encontro ten como finalidade dar a coñecer a comunidade e a visión que esta ten do mundo do Software Libre.
Nas xornadas abordaranse temas diversos como as posibilidades de lincenciamento e xestión da propiedade intelectual, o uso de ferramentas colaborativas para o desenvolvemento de software, así como os modelos de negocio asociados ao Software Libre e ás actividades de I+ D+ I ao redor da Comunidade Morfeo.
Así mesmo, inclúese no programa a presentación de CatPL e a Cátedra de Software Libre da UPC, cuxos membros comentarán, respectivamente as súas iniciativas no mundo empresarial e académico.
Xa pola tarde, presentaranse distintos proxectos de I+ D+ I que están sendo desenvolvidos no marco da Comunidade Morfeo. O día 11 realizaranse sesións practicas sobre algunhas das tecnoloxías máis maduras de Morfeo co fin de dar a coñecer ás empresas interesadas as posibilidades do Software Libre, desde o punto de vista de inclusión nos procesos de negocio e como fonte de oportunidades.
