Fixstars anunciou a dispoñibilidade inmediata de Yellow Dog Linux 6.2, a coñecida distribución enfocada cara a familia de procesadores da arquitectura Power, que contará con varias actualizacións para facela máis sinxela de instalar, máis rápida, e máis fácil de usar.
Esta nova versión é compatíbel con:
- Productos Apple PowerPC G4/G5
- PlayStation3, de Sony
- YDL PowerStation
Nesta versión inclúese a opción de empregar o popular Xfce como escritorio mais Enlightenment DR17 segue a ser o contorno de escritorio predeterminado.
Esta versión ofrece as seguintes actualizacións e melloras fronte á versión 6.1:
- Posibilidade de instalar e arrancar dende unidades USB
- Núcleo linux 2.6.29 para ppc64, e 2.6.27 para ppc32
- SDK IBM Cell 3.1.0.1
- Contorno de escritorio Xfce 4
- OpenOffice 3.0
- Mozilla Firefox 3.0.6
- Wicd mellorado para a xestión de redes sen fíos
- Compatibilidade mellorada con PS3VRAM, o módulo do núcleo que permite empregar a memoria de vídeo da PS3 como espazo de intercambio
- Libfreevec, unhas bibliotecas que substitúen varias rutinas da GLIBC optimizándoas para procesadores PowerPC
- Gnash v0.8.4
- Máis de 600 paquetes actualizados
- Máis de 2500 paquetes novos en EPEL (“Extra Packages for Enterprise Linux”), dispoñíbeis vía yum.
Fonte: http://www.h-online.com/open/Yellow-Dog-Linux-6-2-released–/news/113648
