Xa está dispoñible o boletín de maio de Mancomún, o espazo de referencia para estar ao día das novas do software libre, hardware libre e cultura libre en Galicia.
Apúntate no pé de páxina do portal de Mancomún, para recibilo todos os meses no teu correo.
GPUL premia os mellores traballos académicos con software libre
O Grupo de Programadores e Usuarios de Linux convoca unha nova edición do Premio ao Mellor Traballo de Fin de Estudos Libre 2026 (Premio Especial Alejo Pacín Jul). A principal novidade deste ano é a incorporación do alumnado de Formación Profesional, ademais dos estudantes de grao e máster. O prazo de inscrición remata o 4 de outubro.
Francia dá o paso: migración masiva a Linux nos equipos do goberno
A través da DINUM, o goberno francés iniciou a transición para abandonar Windows en toda a Administración, priorizando a soberanía dixital. Todos os ministerios deberán presentar o seu plan de transición antes do outono de 2026.
ONLYOFFICE reforza o seu editor PDF con funcionalidades profesionais
A ferramenta consolídase como alternativa libre a Adobe Acrobat, incorporando edición directa, OCR, sinaturas dixitais, formularios e a ferramenta de IA Smart Redact para a protección automática de datos sensibles.
En Mancomún podcast: o galego nas pantallas grazas ao software libre
No último episodio conversamos con Jesús Amieiro, enxeñeiro e tradutor voluntario ao galego de proxectos como WordPress, Firefox ou Thunderbird. Tamén está dispoñible o episodio sobre HackUDC, o maior hackathon estudantil de Galicia.
Recursos e guías
O boletín recolle ademais unha guía de software libre para estudantes universitarios e información sobre Framadate, alternativa libre a Doodle para organizar reunións sen rexistro nin custos.
Xornadas técnicas destacadas
Recóllense as charlas sobre tecnoloxía GaN impartida por Rocío Moure en Vigo e a xornada Kubernetes & AI, con sentidiño, celebrada na Coruña, con debate sobre escalabilidade, produción real e regulación ética da intelixencia artificial.
“En común”
Invita á comunidade a participar respondendo á terceira pregunta, co obxectivo de coñecer mellor o uso das tecnoloxías abertas en Galicia.
