O proxecto openDesk, liderado polo Ministerio Federal do Interior alemán (BMI) en colaboración cun amplo equipo de expertos en software libre de Collabora, Dataport, Univention, OpenXchange, Nextcloud, XWiki, OpenProject e outros, promete redefinir a forma na que os gobernos interactúan coa tecnoloxía.
openDesk
openDesk é unha visión de liberdade dixital e autodeterminación para gobernos e organizacións en toda Europa. No seu núcleo, openDesk é un espazo de traballo dixital deseñado para ofrecer unha alternativa aberta e sustentable ao software privativo. Trátase de reducir as dependencias das grandes empresas tecnolóxicas globais e tomar o control dos datos críticos.
Ferramentas esenciais como Collabora Online capacitarán á administración pública para traballar de forma eficiente e segura, mantendo o control total sobre os seus datos.
Principios detrás de openDesk
– Soberanía Dixital: Queremos poñer os usuarios, como os gobernos, no control da súa infraestrutura tecnolóxica.
– Software libre: O proxecto basease en software de código aberto, aumentando a transparencia e flexibilidade, e colaborando en torno ao código en aberto, o cal é fundamental para o noso negocio.
– Colaboración: Con varios socios involucrados, openDesk mostra o poder da colaboración na abordaxe de grandes proxectos de migración.
– Servizo aos Usuarios: A construción da implementación de referencia de openDesk co Ministerio Federal do Interior e a Comunidade Alemá permitirá levar o software libre a un gran número de asentos gobernamentais en Europa.
Os documentos migrados ao openDesk deberían manter un aspecto case idéntico e unha funcionalidade equivalente, e os fluxos de traballo para crear e revisar documentos deben ser dabondo semellantes para ser cómodos.
Estase implementando unha serie de cambios e actualizacións en Collabora Online para mellorar a intergración con ferramenta de xestión de citas e referencias (Zotero), mellora da accesibilidade (modo escuro ou funcionalidade de lector de pantalla), táboas flotantes de múltiples páxinas, táboas dinámicas compactas, degradados de múltiples paradas, navegación de documentos, entre outras.
