Ángel Sánchez, conservador do Museo de Prehistoria de Valencia, publicou o terceiro e último volume da novela gráfica histórica Balkar.
“Balkar. Conjura y fuego” é o título desta terceira entrega.
Trátase dunha historia de ficción ambientada na Antiga Iberia (séculos VI-I a. C.) e que segue o clásico esquema do periplo do heroe. A novela pretende manter o maior rigor histórico posible en aspectos como vestimenta, armamento, arquitectura, ferramentas, elementos domésticos, …
O seu autor comentou:
“na súa realización, empreguei as miñas ferramentas preferidas de software libre: Inkscape soporta o maior peso por ser o programa que utilizo para debuxar cada unha das viñetas, Gimp supón unha gran axuda para o retoque de imaxes e fondos, Blender resúltame indispensable para crear modelos de referencia e fondos arquitectónicos, mobiliario… E, por último, Scribus permitiume completar o deseño e maquetación do libro.”
A novela está dispoñible en Amazon en versión Kindle e tapa branda.
Se queredes saber máis sobre a obra e o autor, non vos perdades o programa 54 de Mancomún Podcast onde entrevistamos a Ángel Sánchez cando publicou a primeira parte desta historia:
https://www.mancomun.gal/noticias/54-mancomun-podcast-creacion-de-novelas-graficas-con-software-libre-angel-sanchez/
