Novas
No portal de Mancomún difundíronse este mes varios eventos como a Festa do Software Livre Aveiro 2023, a Geocamp 2023 e publicamos tamén un programa de Mancomún Podcast sobre a AtlánticaConf 2023.
Algunhas novidades relacionadas co mundo do software libre que foron noticia neste último mes foi a publicación Estudo do Open Source Observatory sobre o proxecto Mancomún ou a publicación doutro artigo TIC sobre Aplicacións libres para Android orientadas a empresa, neste caso falamos de syncthing.
Proxecto destacado
Whisper é un modelo libre de recoñecemento da fala de uso xeral. Está adestrado nun gran conxunto de datos de son diverso e é tamén un modelo multitarefa que pode realizar recoñecemento da fala multilingüe, tradución da fala e identificación de idiomas.
O uso dun conxunto de datos tan amplo e diverso mellora a solidez fronte aos acentos, o ruído de fondo e a linguaxe técnica. Utiliza Python 3.9.9 e PyTorch 1.10.1 para adestrar e probar os modelos, pero espérase que o código sexa compatible con Python 3.8-3.11 e con versións recentes de PyTorch.
