Novas
No portal de Mancomún difundíronse estes días varios eventos como a “Charla de introducción a Mesa por Igalia, na Industriosa”, o curso formativo sobre Inkscape que organiza a aula CeMIT de Ames, a “X.OrgDevelopers Conference 2023” na Coruña, a “Xª Xornada de Usuarios de R en Galicia”, o “#MesDSoftware Libre no GaiásTech”, e un novo “Faladoiro Mancomún 2023, con Eva Marco”.
Algunhas novidades relacionadas co mundo do software libre que foron noticia neste último mes foi a publicación dun artigo TIC e pílula sobre “Aplicacións libres para Android orientadas a empresa: Acceso a sistemas remotos con DWService”, un programa de Mancomún Podcast sobre a Oshwdem2023, a nova sobre que AMD publicará a tecnoloxía FSR 3 como código aberto, e outro porgama de Mancomún Podcast, onde Pablo Sanxiao falou con David Bonilla sobre Software libre e startups.
Proxecto destacado
Penpot, ferramenta de deseño e creación de prototipos de software libre para equipos de produto. Deseñadores e desenvolvedores por fin poden traballar ao unísono para crear experiencias de software deseñadas que realmente medren.
Os sistemas de deseño, os compoñentes, os prototipos interactivos, o bucle de retroalimentación e os deseños pixel perfect únense nunha interface de usuario web extremadamente intuitiva e potente que abre o proceso de deseño a todas as partes interesadas. Aínda que pretende integrarse ben nos fluxos de traballo tecnolóxicos, é un produto que permite aos deseñadores traballar ben, cunha interface de usuario agradable, usable e útil.
