Novas
No portal de Mancomún difundíronse estes días varios eventos como os cursos sobre LibreOffice na aula CeMIT de Boiro, o taller organizado no GPUL School de Introdución a Shell, a Xornada de patrimonio (in)visible 2023 – San Xoán de Piñeiro, a Xornada en liña sobre “Software libre para xerar simulacións virtuais”, a charla Steam Deck, como se creou unha máquina de videoxogos usando Linux e o HackUDC, un hackathon na Universidade da Coruña.
Algunhas novidades relacionadas co mundo do software libre que foron noticia neste último mes foi:
– A publicación de varios podcast, Mancomún Podcast: InnerSource, con Dani Izquierdo e Pablo Sanxiao e un sobre o Fab Lab A Industriosa no 2024.
– Entrevista das Mulleres en Tech con Cristina Carrascal e un Faladoiro Mancomún 2023 (tamén con Cristina Carrascal).
– Nova sobre RISC-V nos futuros reloxios con Wear OS, un artigo TIC sobre Aplicacións libres para Android orientadas a empresa (element, plataforma segura de comunicación) e unha nova sobre IAMF, son espacial inmersivo.
Proxecto destacado
Firefox Translations, traduce sitios web no teu navegador, de forma privada, sen utilizar a nube. A funcionalidade desta extensión está agora integrada no navegador Firefox, eliminando a necesidade de calquera instalación adicional.
Firefox Translations ofrece a tradución automatizada de contido web. Ao contrario das alternativas baseadas na nube, a tradución realízase localmente, no lado do cliente, de xeito que o texto que se está traducindo non abandona o teu dispositivo.
Idiomas compatibles: Español, Estonio, Inglés, Alemán, Checo, Búlgaro, Portugués, Italiano, Francés, Polaco.
